26 de novembro de 2013

A ordenación do litoral: guía de recursos

Unha guía imprescidíbel elaborada polo Centro de Documentación Ambiental Domingo Quiroga e editada polo Ceida.


Educación Ambiental, Conservación e Desenvolvemento Sustentábel son os ámbitos de preferencia do Centro de Documentación Ambiental.

Máis guías do CEIDA.

16 de outubro de 2013

Club de lectura "O teodolito"


Ben sabedes que o instrumento preferido de Don Ramón Aller era o teodolito Troughton & Simms. Por iso escollemos ese nome para o noso club de lectura de ciencias.

É un club no que propoñeremos todo tipo de documentos (libros, filmes, banda deseñada, páxinas na rede...) sobre un tema relacionado coa ciencia e/ou a tecnoloxía para charlarmos sobre el.

Inscríbete antes do venres 25.

4 de setembro de 2013

Gustaríame crer..., por Carl Sagan e Gavin Aung Than


Humanismo, ciencia e divulgación. Carl Sagan é, sen dúbida, un dos rostros cos que o século XX ilustra esas tres ideas.

Gavin Aung Than é o autor da BD que aquí vedes. El mesmo se refíre a Carl Sagan como "o profesor que nunca tivo" e explícanos a procedencia da cita que a inspira: un artigo da revista Parade, de 1996, redactado desde o hospital, ás portas da morte (finou o 20 de decembro, dese ano).

As palabras de Carl Sagan e as liñas de Gavin Aun Than son sempre as nosas, e máis o son aínda nestes días de bulicio bélico.


Uploaded with ImageShack.us
 
 [A tradución é de Manuel Conde]

18 de xuño de 2013

e a miñoca naceu...

Vaia, en realidade van dúas..., mellor dito, tres. Á primeira miñoca ceibárona nada máis nacer no laboratorio de ciencias  e xa non volvemos saber dela.
Entre Berta e Balea fixeron por fotografar e gravar o nacemento da segunda, Monchiña.
Esta xa é a terceira, Monchiña II.
Os medios son algo inferiores aos da National Geographic, pero a nós chístanos. Mirade a ver se distinguides ovo, miñoca e reflexos. 

13 de xuño de 2013

Sistemas pneumáticos


Quedábanos a penúltima do curso. Foi unha interesante exposición para sabermos, entre outras cousas, que estamos rodeados de sistemas pneumáticos.

 
Entendemos os principios da pneumática e puidemos experimentar no "gran chintófano azul" que nos puxo Xabier:
 


 
 

6 de xuño de 2013

Toc-toca: música con vasos de auga

Gonzalo Otero de 4º e
Nicolás Varela de 1º de Bach 
Xa está rematando o curso e para festexalo aquí vos deixo un pouco de música, froito do proxecto conxunto entre os departamentos de Física e de Música.
Unha pequena presentación introdúcenos os conceptos básicos de ondas e, cunhas breves indicacións, saberemos como construír un instrumento musical con vasos de auga.
Nos videos, os alumnos do bacharelato musical Martín Falero e Brais Pérez e a profe Almudena interprétannos dúas pezas. A primeira é unha versión do tema Summertime de Gershwin e a segunda, unha melodía composta por eles mesmos.






29 de maio de 2013

A cantar a táboa (periódica)

Quédannos tres toc-toca por poñer. Algún enredo impídenos andar ao ritmo que quixeramos. Así que, mentres vai ou non vai, que tal unha cantiguiña?


Vímola no Naukas e pareceunos moi aquelada, ademais reclamounos a atención para outros vídeos  de AsapSCIENCE que son igual de xeitosos.

-

15 de maio de 2013

Toc-toca: observación de artrópodos

Había moito que ver e ninguén paraba de mirar.



A peor parte tocoulle ao ángulo das fotos... A parede! Quen puxo aí a parede!

 


E como non vos podemos mostrar o que elas ven, suxerímosvos que miredes a Galería Micro de Fot Ciencia 10 ou algunhas das anteriores. Por exemplo esta...


... que vén sendo unha sección dunha retina de mono, gañadora da sección micro da sexta edición.

3 de maio de 2013

Toc-toca: efectos da presión atmosférica

Tocou esta semana facer uns experimentos para pór de manifesto o efecto que produce a atmosfera sobre nós.
Parece que aquilo de que o ovo cocido sexa succionado por unha botella causa sensación...
Aquí tedes unha presentación coa explicación dos fenómenos.

ENCHER CON AUGA UN VASO BOCA ABAIXO




COMO INTRODUCIR UN OVO NUNHA BOTELLA




18 de abril de 2013

Toc-Toca: Medindo o universo

Hai uns aniños, o Laboratorio Oficial de Metroloxía de Galicia , a través do seu portal educativo, ofrecía a súa exposición:  Medindo o universo: a historia das medidas.

Currás pesa pola libra galega e Nicolás xa se meteu no Kg.

Aínda hoxe se pode descargar, tanto a exposición como o excelente material que a acompaña. E iso foi o que fixemos.

Engadíndolle algún aparello de medidas tradicionais (romanas marcadas con libras ou con quilogramos, medios ferrados...) e unha pequena selección vídeo-bibliográfica, a cousa aínda foi resultando...


16 de abril de 2013

Toc-toca: o tangram


O Tangram ou Chi Chiao Pan (táboa da sabedoría) é un quebracabezas de orixe chinesa.

Consta de sete pezas ou "tans" que se obteñen cortando un cadrado en cinco triángulos rectángulos de diferentes tamaños, un cadrado e un trapecio. 





O xogo consiste en usar todas as pezas para construír diferentes formas.



Un paradoxo do tangram


Unha curiosidade que atopamos no tangram é a existencia de varios pares de figuras moi semellantes. Como é obrigado, constrúense utilizando todas as pezas, pero acontece que a  única diferenza aparente entre elas consiste en que nos parece que a unha lle falta unha peza.


Un conto



28 de marzo de 2013

Arvind Gupta: un toc-toqueiro de sete estalos


Arvind Gupta, na wikipedia
Arvind Gupta vén sendo un home orquestra da ciencia e da divulgación científica.

Reutilizando os refugallos da sociedade de consumo e aplicando principios científicos, crea xoguetes que condensan ciencia, creatividade e solidariedade.

Neles, como case sempre, o principal é o proceso de creación (a compresión dos principios que os inspiran?), aínda que o resultado (podedes probar) resulta gratificante e anima a seguir.

Arvind Gupta, desde o seu sitio na Rede, agasállanos co se traballo, ben en fotos, ben en vídeos en múltiples idiomas, entre eles o castelán.

Vaian dous vídeos a modo de exemplo:

Como facer un tornado


 


Un freado magnético



Neste vídeo Arvind Gupta cóntanos cousas ben interesantes de si mesmo:



4 de marzo de 2013

A fronteira da ciencia: Física no CERN

En 1949, o físico francés Louis de Broglie propuxo establecer un laboratorio europeo co fin de deter o éxodo de científicos de Europa aos Estados Unidos. Despois de varias conferencias da Unesco, o CERN (Conseil Européen pour la Recheirche Nucléare) é formalmente creado en Xenebra o 29 de setembro de 1954. Inicialmente son 12 os países membros, aos que se une España en 1961, aínda que deixa a organización dende 1969 ata 1983.
Son varios os aceleradores de partículas construídos neste complexo, entre eles o LHC (Large Hadron Collider) entre 2003 e 2008, e moitas as aplicación prácticas desenvolvidas despois de anos de investigacións.
Dos experimentos realizados espéranse obter datos satisfactorios que abrirán a porta ao coñecemento da orixe do Universo.

O CERN EN TRES MINUTOS








Na rede:

  • Sitio web do profesor Ramón Cid Manzano: Achegándonos ao LHC

  • Páxina web oficial do CERN


  • Na biblioteca:

  • Fernández Vidal, Sonia (2012). Quantic Love. Ed. La galera.

  • Casas, Alberto (2009). El LHC y la frontera de la Física
  • . Ed. CSIC y Catarata.

    3 de marzo de 2013

    Catorce anfibios, vinte e seis réptiles


    Hai un mes, o 3 de febreiro, a Sociedade Galega de Historia Natural, deu por finalizada a primeira actualización do Atlas de Anfibios e Réptiles de Galicia (SGHN, 2010).

    A última ficha incorporada foi a da Vípera seoanei (Lataste, 1879), dedicada precisamente ao recoñecido naturalista galego Víctor López Seoane (1832-1900):


      
    Aínda que o mellor é que vaiades á propia páxina da Sección de Herpetoloxía da SGHN, tamén podes consultar as súas fichas desde aquí:

    CLASE: AMPHIBIA


    CLASE: REPTILIA



    Graciñas, boa xente da Sociedade Galega de Historia Natural!!!